Muqdisho, Jimce, 23 July 2010, (Hillaac.Net) Dowladda Waddanka Holland ayaa bilaaabeysa bilaha soo socda in ay koofurta dalka Soomaaliya ku celiso Boqollaal ka mid ah Qaxootiga Soomaalida ee dalkeeda ku sugan iyadoo arrinkaasi ay cambaareysay hay’adda Human Rights Watch, War qoraal ah oo ka soo baxay hay’adda u dooda xaquuda aadanaha ee Human Rights Watch ayaa lagu cambaareeyay qorshayaal qarsoodi ah oo dowladda Holland ay ku dooneyso inay dib Koofurta Soomaaliya ugu soo celiso qaar ka mid ah Qaxootiga Soomaalida ee dalkeeda ku sugan, Waxana ay Arrintaas ka dambeysay baa la leeyahay kadib Markii uu Heshiis qarsoodi ah dhexmaray Dowladda Holland iyo DKMG ah.

Muqdisho, Jimce, 23 July 2010, (Hillaac.Net) Maxamed Cumar Xabeeb Maxamed Dheere oo ka qeybgalay Shir ay isugu yimaadeen Wasiirrada iyo Xildhibaannada kasoo jeeda Beelaha Hawiye oo ka dhacay Hotel Naasahablood ee Magaalada Muqdisho ayaa ku Jeesjeesay Rag ay ka mid yihiin C/Qaadir Cali Cumar Iyo C/Raxmaan Janaqoow oo uu si Isfoota ah ugu sheegay in ay Iyagu qaateen wixii ay ku Gaaleeysiinayeen, Waxana uu Maxamed Dheere yiri Isagoo Arrinkaas ka hadlaya:- "Qolkan Beriga waxaa iskula jira Nimanki ugu horreeyay ee Dad Ashahaadaaya waa Gaalo yiray iyo kuweey Gaaleeysiihaayeen oo Dhammaantood lawada Gaaleeysiihaa, Maxamed Dheere oo Arrimo badan oo Xasaasiya taabtay Shactaro iyo Hadal Run ahna isku dhex walaaqayey ayaa sidoo kale yiri:-

SII AQRI OO DHAGEYSO HADALKA MAXAMED DHEERE.

Muqdisho, Khamiis, 22 July 2010, (Hillaac.Net) Wasiirka Arrimaha Dibadda DFKMG Yuusuf Ibraahim Xasan (Yuusuf Dheeg) ayaa sheegay in uusan oran hadalka ah "Dhulka Soomaaliyeed ee Itoobiya gumaysato waa dhul la haysto". Waxana uu yiri “Haba yaraatee ma oranin” Mar Wariyaha BBCda Afka Soomaaliga ku hadasha uu weeydiiyey in Hadalkaasi uu isaga kasoo yeeray iyo inkale, Isagoo si Daciifnimo ah uga laabtay kuna dafiray Hadal Dhab ah oo uu ku sheegay in Itoobiya ay dhul ka haysato Soomaaliya Dad Soomaaliyeedna ay Gumeysato.

SII AQRI OO DHAGEYSO.

Muqdisho, Arboco, 21 July 2010, (Hillaac.Net) Ummadda Soomaaliyeed waxaa sodonkii sano ee la soo dhaafay soo martay colaad sokeeye iyo shisheeye  oo taabsiisay xanuun gundheer dhaxalsiiyeyna  halaag nafeed, bur-bur hantiyeed, barakac dhuleed, iyo bahdil sharafeed. Waxaan qoraalkan uga jawaabayaa dhowr su’aalood oo ka dhashay  musiibada ina haysatay waqtigaas dheer.

Muqdisho, Arboco, 21 July 2010, (Hillaac.Net) C/raxmaan Faroole oo u warramayey Idaacadda Codka Maryakanka ee ku hadasha Afka Soomaliga ee VOA ayaa qirtay in Dadka Koonfur ka soo jeeda ay ka ugaarsanayaan Deegaannadooda, Isagoo weliba Ficilkaas ku sheegay inuu sax yahay In la raafo oo lagu celiyo Goballada ay ka soo jeedaanna ay lamahuraan tahay, Waxana uu Faroole ku dooday in Soomaalida Nin kasta Gobal u dhashay oo ay kala Gobal tahay, Faroole wuxuu intaas ku daray in dadka koonfur ka imaanaya dhammaantood ay yihiin Dad Fidnawadayaal ah oo Argagaxisada la shaqeeya loona soo tababaray in ay Puntland burburiyaan sida uu Hadalka u dhigay.

SII AQRI OO DHAGEYSO.

Muqdisho, Arboco, 21 July 2010, (Hillaac.Net) Xarakada Alshabaab ayaa maanta soo bandhigay Saraakiil ka tirsanaa Ilaalada madaxtooyada oo isku soo dhiibay dhankooda Iyadoo weliba mid ka mid ah Saraakiishaasi uu Warbaahinta Muqdisho la hadlay una sheegay Sababaha ay isku soo dhiibeen oo uu ku sheegay in ay ka qanceen Qaabdhaqanka Ciidamada AMISOM oo uu sheegay in ay Jirdil u geystaan Ciidamada Soomaalida ah ee la shaqeeya, Waxa kale oo uu Sargaalkaas sheegay in ay Dhowr Dagaal oo ay la galeen Xarakada Alshabaab iyagoo dhowr Taangi oo Ciidamada AMISOM ay ledahay ay la socdaan ay ceyrsadeen Wiilalal AK47 wata, halkaana ay ka ogaadeen in Xaqa iyo Baadilku aaney marnaba isku mid ahayn, kuna qanceen in Xagooda aanu jirin Xaqa.

SII AQRI OO DHAGEYSO.

Muqdisho, Arboco, 21 July 2010, (Hillaac.Net) Xildhibaan Cabdi Cabdullaahi Bood oo ka mid ah Xildhibaannada Baarlammaanka islamarkaana sida joogtada ah uga shaqeeya Xarunta Madaxtooyada ayaa maanta aad uga calaacalay in Madaxtooyadii Villa Soomaaliya Foodda lagelin la'yahay oo Xitaa Waraaqihii Saxiixa loo doonayey lana geyn la'yahay kuwa horay u yiillayna laga soo qaadi la'yahay, Xildhibaan Bood ayaa sidoo kale sheegay in Shaqaalihii Madaxtooyada iyo weliba Ilaaladiiba ay ku dhaawacmayaan Gudaha Madaxtooyada oo aaney Madaxa kor u qaadi karin in ay Howl qabtaan iska daaye.

Muqdisho, Arboco, 21 July 2010, (Hillaac.Net) Iyadoo Dagaalkii ka socday Degmada Boondheere illaa Shalay aaney wax horumar ah ka sameynin Labada dhinacba islamarkaana lakala joogo halkii ay Ciidamadu kala joogeen ayaa Afhayeenka Ciidamada Alshabaab waxa uu Saxaafadda u sheegay in Saraakiil aad u hubeysan oo ka tirsanaa Ilaalada Madaxtooyada ay dhankooda isku soo dhiibeen.

Muqdisho, Talaado, 20 July 2010, (Hillaac.Net) Inkatoo Maanta aaney jirin wax dagaal fool ka fool ah oo ka dhacay Degmada Boondheere ayaa misana Rasaas goos goos ah ay weli isweydaarsanayaaan Ciidamada halkaa iskuhorfadhiya, Iyadoo weliba Ciidamada Ugandha iyo Burundi ay weli Madaafiic aad u culus ku garaacayaan Xaafadaha Magaalada Muqdisho Madaafiicdaasoo ku dhacaya goobo ka fog fog halka ay Ciidamadu isku hor-fadhiyaan.

Muqdisho, Talaado, 20 July 2010, (Hillaac.Net) Shacab ka soo jeeda Koofurta Soomaaliya oo tiradooda lagu qiyaasay illaa 500 oo qofood ayaa laga qabqabtay Waddooyinka magaalada Boosaaso, Iyadoo Dadkaasina ay Gawaari qafilan ku qafaallayaan Ciidamada loo yaqaanno PIS ee ka howlgala Deegaannada Puntland.

Muqdisho, Isniin, 19 July 2010, (Hillaac.Net) Dagaalkii Maanta markale ka dhacay Degmada Boondheere ayaa sida Wararku nagu soo gaarayaan Waxa uu soo gabagaboobay iyadoo Xarakada Alshabaab ay iska waabiyeen dibna u celiyeen Ciidamada AMISOM oo kaashanayey kuwa DKMG ah oo aad ugu mintiday Maanta in ay soo ceshadaan gacankuhayntii Degmada Boondheere oo shalay Gacantooda ka baxday, Waxana Haatan Degmada Boondheere ku sugan dhanka Madaxtooyadana isku sii Ballaarinaya Xoogagga Alshabaab oo weliba Illinka hore ee Madaxtooyada si toos ah ugu jeeda Shiishna uu u saaranyahay sida ay xaqiijiyeen Saraakiil ka tirsan Alshabaab oo Warbaahinta caawa la hadlay.